اسلام آباد: مشرف کو سزائے موت کا فیصلہ: ‘حکومت قانونی ٹیم سے مشاورت کرکے مؤقف دے گی’

اسلام آباد: (صاف بات) مشرف کو سزائے موت کا فیصلہ حکومت قانونی ٹیم سے مشاورت کرکے مؤقف دے گی۔

اسلام آباد کی خصوصی عدالت نے سابق صدر پرویز مشرف کو آئین کے آرٹیکل 6 کے تحت سنگین غداری کا مجرم ٹھہراتے ہوئے سزائے موت سنائی ہے۔فردوس عاشق اعوان کا اسلام آباد میں ایک تقریب میں شرکت کے بعد کہنا تھا کہ انہوں نے مشرف کی سزائے موت کا سنا ہے لیکن ابھی پوری خبر کا پتہ چلنے دیں۔

انہوں نے کہا کہ حکومت اپنی قانونی ماہرین کی ٹیم کے ساتھ بیٹھ کر اس فیصلے کے قانونی اور سیاسی پہلوؤں کو دیکھے گی جس کے بعد حکومتی بیانیہ سامنے لایا جائے گا۔فردوس عاشق اعوان کا کہنا تھا کہ وزیراعظم کل واپس آرہے ہیں جس کے بعد وہ اس کے لیگل فریم ورک کو دیکھیں گے۔

اپنا تبصرہ بھیجیں