قصور(ملک اصغر علی) ڈپٹی کمشنر قصور آسیہ گُل کے زیر صدارت ڈینگی تدارک اور اسکی روک تھام کے حوالے سے محکموں کی کارکردگی کا جائزہ لینے کیلئے اجلاس گزشتہ روز ڈی سی کمیٹی روم میں منعقد ہوا۔ اجلاس میں ایڈیشنل ڈپٹی کمشنر جنرل شبیر حسین چیمہ، چیف ایگزیکٹوآفیسر ہیلتھ اتھارٹی اظہرعباس نقوی سمیت تمام متعلقہ افسران نے شرکت کی۔ اجلاس کو محکمہ ہیلتھ کے افسران نے بریفنگ دی۔ اجلاس میں انڈرائیڈ فون پر بھیجی گئی مختلف ہاٹ سپاٹس ڈینگی سرویلنس سرگرمیوں اور اِن ڈور اور آؤٹ ڈور سرویلنس کا ڈیٹا دکھایا گیا۔ڈپٹی کمشنر نے تمام متعلقہ افسران کو ہدایت کی کہ کہ ڈینگی ٹیمیں ایس او پیز کے مطابق ہاٹ سپاٹس کو ریج کریں.
اس سلسلے میں کسی قسم کی غفلت اور کوتاہی برداشت نہیں ہوگی، اُن کا مزید کہنا تھا کہ قبرستانوں، ٹائر شاپس، کباڑ خانوں سمیت دیگر جگہوں پر کھڑے پانی کی نکاسی کو یقینی بنائیں اور ڈینگی لاروا ملنے پر ذمہ داروں کو نوٹسز جاری کئے جائیں۔ انہوں نے شہریوں سے اپیل کی کہ وہ ڈینگی سے بچاؤ کیلئے اپنے گھروں، گلی محلوں میں صفائی کا خیال رکھیں کسی جگہ پانی جمع نہ ہونے دیں کیونکہ کھڑا پانی مچھر کی آماجگاہ ہوتا ہے اور چیکنگ کے لیے آنے والی ڈینگی ٹیموں سے بھرپور تعاون کریں تاکہ ہم ڈینگی مچھر کی افزائش کو روک سکیں۔
